Søndag vert det felles oppstartsgudsteneste for heile Herøy i Herøy kyrkje!
På denne familiegudstenesta skal vi markere at eit nytt semester er i gong med mange kjekke tilbod for både små og store i kyrkjelyden.
Det vert også presentasjon av Herøy sokn sitt nye misjonsprosjekt! I arbeidet med å verte Grøn Kyrkjelyd har Herøy sokn vedtatt å støtte eit nytt misjonsprosjekt med grøn profil. Valet falt på Misjonsalliansen sitt arbeid i Vietnam som har stort fokus på klima, miljø og rettferd. På denne gudstenesta vert det nye prosjektet presentert – og det vert høve til å kjøpe tombola etter gudstenesta til inntekt for prosjektet.
Indre Herøy sokn og Leikanger sokn skal fortsette å støtte NMS sitt arbeid på Madagaskar, det arbeidet som vi kjenner godt og som Johanne og Bjørn Leinebø har vore engasjert i gjennom fleire misjonsperioder på Madagaskar.
Herøy sokn kjem til å fortsette å støtte Cecilie Leinebø og Stephen Thomas sitt arbeid med bibelomsetjing på Madagaskar gjennom organisasjonen Wycliffe, i tillegg til det nye prosjektet i Vietnam.
Etter gudstenesta vert det kyrjekaffi med kaker i kjellaren, med blant anna muffinspynting for borna og sal av tombola til inntekt for det nye misjonsprosjektet. Kjellaren vert open for leik og aktivitet – og det vert også hoppeslott utanfor etter gudstenesta. Ta med familien og kom og ver med i fellesskapet! Vi gler oss til å treffe DEG!
