REFERAT FRÅ SOKNERÅDSMØTE I HERØY KYRKJE

Tysdag 22.09.09

Desse møtte: Sissel Fjørtoft, Bodil K. Kvalsund, Sigbjørn Myren, Olav Torvik, Marvin Kopperstad, Ellinor Monsen, Inger Vikene, Synnøve Sørheller, Jack Remøy, Jens Terje Johnsen, Øystein Nerland, Beate Nes og Birgitta Skorpen

 

Referatsaker:

1. Ingen kommentar til innkalling og referat
2. Kyrkjeveka – passelig med program, litt for dei fleste. Det er verdt å nemne at kyrkjekoret hadde 15 på besøk på øving, så gjenstår det å sjå om det kan verte nye medlemmer av det. Der kunne ha vore meir folk på både kapellopninga og fredagskvelden, men alt i alt er vi fornøgde. Fredag var ein veldig positiv kveld som vi gjerne kan prøve igjen. Det kunne kanskje vore ein ide at denne veka kom tidlegare på hausten. Då kunne ein starte med samlingsgudsteneste i månadsskiftet aug/september og avslutte med ei spesialgudsteneste søndagen etter.
3. Søknad om offer frå Sunnmøre Indremisjon ligg inne på offerlista
4. Tilbod om salmekveld med tema Matias Orheim. Den sender vi over til det nye soknerådet.
5. Vi har motteke takk for offer frå NMS, Misjonssambandet
6. Brev om rekruttering til Kirkens SOS
7. Tilbod om forestilling frå Inger Lise Rypdal. Dette takker vi nei til av økonomiske grunnar.
8. Sjømannsmisjonskveld med Ole Dagfinn Sky og Jens Johnsen 28.februar.

 

SAKLISTE

SAK 35/09 Evaluering soknerådsvalet

Det har kome reaksjonar på at vi valde å ha soknerådsvalet kun i kyrkja. Vi meiner fortsatt at dei som ville stemme hadde gode høve til det med fleire veker førehandsrøysting og to valdagar. Likevel må vi ta sjølvkritikk og endre på dette ved neste val.
Når det gjeld valet elles er det veldig uheldig at der er så mange måtar å endre lista på. Til neste val må ein også ha eit større tellekorps.

 

SAK 36/09 Kvartalsrapport økonomi

Vi er nokolunde i balanse pr. 30.08.09.  Vi ligg litt under budsjettet når det gjeld kyrkjelydsarbeid men dette vil mest sannsynleg jamne seg ut på slutten av året. Soknerådet tek regnskapet til vitande.

Vidare må vi også tenkje på det med dåpsopplæring som snart kjem for fullt, det vil nok også krevje ein del økonomisk.  Snakka også om det med tiende, skulle vi som kyrkjelyd ha gitt tiende av våre inntekter? Der er knytt store lovnadar til dette i Bibelen. Denne utfordringa sender vi vidare til det nye soknerådet.

 

SAK 37/09 Søknad om leige, Volda, symfoniorkester

Volda symfoniorkester får leige kyrkja til konsert 13.mars 2010. Søknaden er innvilga innanfor vanlege normer for utleige

 

SAK 38/09 Offerliste haust 2009

Karete og Jack hadde utarbeidd eit forslag som soknerådet syns var ok. Men på grunn av minus på kontoen for kyrkjelydsarbeid vart dette sett opp som offer 8.11 og 20.12

SAK 39/09. Ungdomsarbeidet, forespørsel frå Pastor Geir Lande

Ungdomar har spurt Pastor Geir Lande I Frikyrkja om tilbod til eldre ungdomar fredagskvelden. Dei har tidlegare prøvd å ha dette på laurdagar, men det har fungert dårleg. Dei ynskjer tilbakemelding om kva vi meiner om Nattcafe kvar 14. dag,  fredag frå kl 23- 02. Aldersgruppa vil vere frå vidaregåande og oppover.

Soknerådet diskuterte saka og er samstemt i at fredagen bør vere Fredagstreffet sin, og at ein ikkje bør starte med andre tiltak for same målgruppe. Etter hard jobbing frå ungdomsarbeidarane våre hadde det vore trist viss dei eldre ungdomane heilt forsvann frå  

F. treffet. Dei er ein ressurs som trengst i miljøet. Samtidig ser vi at det manglar noko for dei litt eldre ungdomane, og at det kan vere vanskelig å engasjere dei.

 

Vedtak:  Soknerådet synest det er bra at de vil organisere tilbod til aktuelle aldersgruppe, då dette er manglande, men vi meiner at fredagskvelden bør vere forbeholdt fredagstreffet. Vi synest det er svært viktig med god dialog angåande ungdomsarbeidet, og vil derfor invitere dykk og Adventura til eit samarbeidsmøte i lag med soknerådsformann, kateket og ungdomsarbeidar.

 

SAK 40/09 Evaluering av soknerådsperioda

Vi har vore innom mykje denne perioda og noko har vi fått til, andre ting må jobbast meir med

Saker som vi har jobba mykje med og lykkast:

·        Fått på plass misjonsprosjekt for kyrkjelyden

·        Fast ungdomsarbeidarstilling med støtte frå kommunen

·        Kapellet er på plass

·        Har behandla mange søknader om leige av kyrkja

·        Jobba med gudstenesta

·        Forslagskasse

 

Tips til det nye soknerådet:

·        Det skjer mykje i kyrkja som ikkje er koordinert i forhold til soknerådet. Dei bør få ei oversikt over kva nemnder som er i kyrkja og kva mandat desse har.

·        Trusopplæring vert nok ei utfordring framover

·        Å utvikle ungdomsarbeidet er veldig viktig

·        Prøv å få på plass ein regelmessig søndagsskule.

·        Prøve å få til litt kveldsgudstenester, treng ikkje nødvendigvis å vere på ein søndag.

 

SAK 41/09      Eventuelt

·        Det vert bispevisitas 20-24.januar. Planlegginga av dette er i gang.

·        I haust er det prostevisitas, det vert sak på neste møte.

·        Neste møte vert 27.10 kl.19 for det gamle soknerådet. Dei nye møter kl.20. Dei som har verv i soknerådet førebur seg til å seie noko om dette.

 

 

Nerlandsøy 29.09.09

Bodil Karin Kvalsund

-sekretær-