Referat Februar 09

REFERAT FRÅ SOKNERÅDSMØTE I HERØY KYRKJE

Tirsdag 17.02.09

 

Desse møtte: Sissel Fjørtoft, Bodil K Kvalsund, Sigbjørn Myren, Olav Torvik, Marvin Kopperstad, Inger Vikene, Karete Johannesen, Ingebjørg Sævik, Øystein Nerland, Jens Terje Johnsen.

 

Referatsaker:

1. Innkallinga grei, der vart gjort nokre små endringar i referatet
2. Det kan verte aktuelt med eit ekstra soknerådsmøte i mai for å godkjenne alternative vallister    
3. Kyrkjebasar 14.03.09 frå kl. 13.
4. Nytt frå Bispekontoret – rundskriv som gjeld kvartalsrapportar og kartverk over soknegrenser
5. Forslag til leke medlemmer Bispedømmerådet (BDR) – Vi foreslår Eldar Husøy og Ottar Berge
6. Anne Strand Kiperberg er valt inn i nominasjonskomite BDR, Ottar Berge 1 vara
7. Evaluering bokpresentasjon 15.02.09 – Det fungerte greitt, og det såg ut som om folk likte det. Det vart og selt nokre eksemplar, bøkene vert og å få kjøpt på Vestvang i etterkant. Vi bør satse på å presentere eit breitt spekter av bøker. Kanskje er det ein ide å presentere ein del barnebøker på ei familiegudsteneste og ungdomsbøker i forbindelse med konfirmasjonen og liknande. Ein vil prøve å ha noko slikt i alle fall to gongar i halvåret. Vi diskuterte litt om soknerådet skulle kjøpe inn eit eksemplar av kvar bok til utlån, men vi kjem tilbake til det etter kvart.
8. Fasteaksjon 31.03.09 – I år er dette ein klimaaksjon. Konfirmantane samlast i kyrkja for å sjå ein aksjonsfilm før dei vert sendt ut. Beate treng hjelp frå soknerådet. Ho ville ha litt hjelp til det med rodene, men soknerådet påpeika i fjor at ho måtte ta vare på rodne slik at ho hadde sitt eige kartotek over dette. Viss dette ikkje vart gjort så foreslår vi at Beate tek kontakt med Magnus Myklebust for å få hjelp til dette.   Når det gjeld tid for utsending bør ikkje dette vere før kl. 17.30 i alle fall.  Soknerådet er villig til å vere med på den praktiske biten. Vi flytter neste soknerådsmøtet til tysdag 31.03.09.
9. Fredagstreffet har fått fondstøtte frå Sparebank 1. Kor mykje er uklart, det kan vere mellom 10 og 100.000,- kr. Tone, Birgitta og Christian skal til Molde å få det utdelt.
10. Utstilling av alterdukar Herøy Kyrkje 03.03 kl 13-18. Dette er same dag som det er eldrefest, men vi regnar med at administrasjonen har tenkt på korleis ein løyser dette.
11. Takk for offer, Misjon utan grenser

 

SAKLISTE

 

SAK 06/09 Budsjett 2009.

Regneskapet for 2008 kom ut med eit overskot på kr. 174.000,-. Vi såg på budsjettet for 2009 og har desse kommentarane:

• Kvifor er det sett opp so mykje til kostnader kyrkje når tala frå i fjor er på kr.3000,-
• Vi vil også endre kostnadane heimeside til kr. 5.000,-
• Kva ligg i posten ”anna materiell” under dåpsopplæring og konfirmantarbeid? Kvifor er ikkje desse brukt i regneskapet? Er det noko som heng igjen frå tidlegare?
• Har vi so mykje i fast gjevarteneste til ungdomsarbeidet?
• Posten andre driftsutgifter i ungdomsarbeidet bør justerast opp til kr. 20.000,- Det vi vil mangle for å kome i balanse kan leggast på offer til same sak.
• Overskotet ungdomsarbeid må reserverast fond ungdomsarbeid.
• Soknerådet ynskjer ei oversikt over kva type fond som er, og kor mykje som står på desse, dette bør fylgje regnskapet.

Soknerådet diskuterte om det var på tide å skifte på kva borna får på dåpsdagen. Kunne det vere aktuelt med ein CD med kristne barnesongar t.d. Kanskje kunne vi henvende oss til kyrkjeforeininga å høyre om dei kunne tenkje seg å sponse det i staden for eit bilete. Dette tek vi med på saklista for møtet i mars.

 

SAK 07/09 Val 2009-2011

Valnemnda har to forslag til korleis vi skal avvikle valet.

1: Herøy kyrkje:  Etter gudstenesta 13.09, samt mandag 14.09 12-18 på kyrkjetorg

2. I krinsane, totalt 10 stk. Vi lyt då framskaffe min 30 vakter, valurner/valfasiliteter,etc

 

Soknerådet diskuterte dette og motførestillingane til å ha det ut i krinsane var store. Det vert eit stort apparat å setje i gong, og vi er usikker på om det vil koste meir enn det smakar.

Soknerådet stemte over saka og mot ei stemme vart det vedteke at Soknerådsvalet 2009 vert avvikla i Herøy kyrkje 13. og 14. september.

 

Vi har laga eit enkelt skriv som vi sender ut til aktuelle kandidatar og ringer dei ca ei veke etter dette. Ringerunda tek valnemnda seg av. Vi satsar på å ha nominasjonslista klar i løpet av april.

 

Valnemnda hadde sett opp nokre namn til aktuelle kandidatar, og vi føya på litt fleire.

 

SAK 08/09 Årsmelding 2008

Vi gjekk gjennom årsmeldinga, og soknerådet hadde ingenting å tilføye. Årsmøtet vert søndag 22.mars kl.17. Vi har litt program fyrst, matøkt og årsmøte. Stunda vert avslutta i kyrkja med ei lita andakt. Jens og Terje tek seg av den delen. Når det gjeld mat så tek kvar soknerådsmedlem med seg ei kake og eit smørbrødfat.

 

 

SAK 09/09 Stolar til kyrkjelydsal

Tanken er at stolane som no er i kyrkjelydssalen skal flyttast inni kapellet når det står ferdig. Vi treng ca. 100 stolar i kyrkjelydssalen.

Fyrste kravet er at det bør kjøpast inn stolar med større komfort eller dei vi har i dag. Dei må også kunne brukast i lag med dei andre stolane.

Stolane bør også lett kunne stablast og vere lette å handtere. Soknerådet ber utsmykkingsnemnda kome med forslag og skaffe til veie prøve av ulike stolar. Dei bør prøvast ut i ei periode før ein tek bestemmelsen. Det bør og takast kontakt med ergoterapeut i kommuna som gir sin uttale når vi har fått prøvene. Soknerådet har siste ordet i saka.

 

 

 

 

SAK 10/09 Eventuelt

• Bibelkveldane i kyrkja:
  • 17.mars – Sissel og Inger er vertskap
  • 24.mars – Øystein og Olav er vertskap
  • 2.april –
• Søndagsskule i kyrkja
  • Det er trasig at ikkje vi skal få dette til. Soknerådet ber Birgitta om å sjå om ho kan få ein del folk til å ha søndagsskule . Når ho har fått folk så vert desse kalla inn til ei lita samling i kyrkja. Nokre har allereie sagt seg villige til ein gong i blant, og får ein mellom 5 og 10 stk på lista så bør det kunne realiserast.

 

 

Nerlandsøy 22.02.09

Bodil Karin Kvalsund

-sekretær-