Kyrkjeveka 2009!

Fredag 28. August var det første kvelden i fredagstreffet etter sommarferien. Talet på besøkjande var tresifra, og stemninga vart berre betre og betre utover kvelden.

         Sommarferie er ein fin ting tykkjer mange ungdommar. Men det er ikkje til å legge skjul på at når ferien er over, er det godt å kome i gang igjen. Spesielt kjekt er det når ungdomsklubbane kjem i gang, og ein får høve til å møte venner og bekjente igjen. Fredags kveld opna fredagstreffet dørene for første gang etter ferien, og det var det mange som sette pris på. Kor mange som var innom dørene, veit ein ikkje heilt sikkert, men på det meste var det rundt 100 stykk inne i lokalet på ein gang. Dette gir god stemning!

         Birgitta Skorpen og Christian Remøy deler på jobben som ungdomsarbeidarar i kyrkja i år, og Birgitta Skorpen fortel at ho er godt nøgd med fredags kveld. Med så mange ungdommar, får ein lett inspirasjon til å vidareutvikle tilbodet. Spesielt flott er det å sjå at så mange 8. klassingar besøkjer kyrkja. Det betyr at fredagstreffet er noko ein ser fram til som 7. klassing.

Velkommen til gudsteneste med presentasjon av konfirmantane i Herøy kyrkje søndag kl 11.00 (OBS OBS: ikkje 12.00 som det står i vestlandsnytt) Etter gudstenesta vert det kyrkjekaffi med gode kaker som nokre konfirmantforeldre har bakt.

Vi håper på full kyrkje søndag!

Samlingsgudsteneste

Over 100 stk tok vegen til Flåvær denne søndagen, til ei flott samlingsgudsteneste med Jens og Ottar. I etterkant fortalde Petter Torvholm litt om historia kring Flåvær, før det var tid til medbrakt kyrkjekaffi, og omvisning. Tusen takk til Petter Torvhom med familie som lot oss få kome til Flåvær.