Bjørn Holum og Neremkoret er gjester i kveldsmessa i Herøy kyrkje komande søndag. Kulturhovdingen Bjørn er blitt pensjonist, og i samtale med Olgunn Torvanger vil han fortelje om vegen sin frå pinserørsla på Sør- og Austlandet til musikk i kvardag og fest på Sunnmøre.
Neremkoret syter for song og musikk i kveldsmessa. Fire Nerem-søstre, med menn, har lenge gledd herøyværingane med nydeleg song, leia av far Peder. Nå er også Peder jr frå neste generasjon komen med.
Kveldsmessevert er Jens Terje Johnsen, liturg er Solfrid Leinebø og ved orgelet sit Dag Johan Flattun. Og frå kjøkkenet melder Alette Teige om solid servering på kyrkjetorget etter kveldsmessa.
